Tatlong tama ng bala ng baril ang tumapos sa buhay ni Edgar Garcia, 39, may asawa, magsasaka at residente ng nasabing barangay.
Samantala, ang dalawang hindi kilalang armadong lalaki ay agad na tumakas sakay ng motorsiklo matapos isagawa ang krimen bandang alas-7:40 ng umaga.
Base sa imbestigasyon ng pulisya, ang biktima ay nagdya-dyaging sa nasabing lugar nang salubungin ng mga naka-motorsiklong killer.
Napag-alaman pa sa ulat ng pulisya na nakatakbo at nakapagtago pa ang biktima sa likurang bahagi ng bahay na pag-aari ni Rolando Figueroa pero sinundan pa ito saka pinagbabaril. (Ulat ni Christian Ryan Sta. Ana)