Babae ni-rape slay ng adik

CAMARINES SUR – Hinalay muna bago sinaksak hanggang sa mapatay ang isang 35-anyos na babae ng hindi kilalang lalaki na pinaniniwalaang sugapa sa bawal na droga saka iniwan sa liblib na bahagi ng Caramoan, Camarines Sur kamakalawa ng gabi.

Walang saplot sa buong katawan at tadtad ng saksak sa katawan nang matagpuan ng pulisya ang bangkay ni Elizabeth Lasado, 35, dalaga, samantala, blangko pa ang mga imbestigasyon sa pagkikilanlan ng killer.

Napag-alaman sa pagsisiyasat ng pulisya na hindi na nakabalik pa ang biktima matapos na umalis sa kanilang bahay bandang alas-5 ng hapon hanggang sa madiskubre ang bangkay. (Ulat ni Ed Casulla)