Misis aksidenteng nabaril ni mister, patay

BAMBANG, Nueva Vizcaya – Dahil sa sobrang biruan ay hindi sinasadyang mapatay ang isang misis ng sariling mister makaraang aksidenteng makalabit ang gatilyo ng shotgun na itinutok sa biktima sa loob ng kanilang bahay sa Barangay Almaguer South sa bayang ito kamakalawa.

Sabog ang ulo ng biktimang si Beverly Salvatiera, 28, samantala, sumuko naman ang suspek na si Jerson Salvatiera, 27, matapos maganap ang pangyayari bandang alas-5 ng hapon.

Napag-alaman sa ulat ng pulisya na ang mag-asawa ay dumalo ng kasalan malapit sa kanilang bahay at pagkatapos ay nagbiruan hawak ng suspek ang baril hanggang sa maganap ang hindi inaasahang pangyayari. (Ulat ni Victor P. Martin)