Trader dedo sa ambush

CAMP SIMEON OLA, Legazpi City – Pinagbabaril hanggang sa mapatay ang isang 37-anyos na trader ng mga rebeldeng New People’s Army (NPA) habang ang biktima ay nagmomotorsiklo kasama ang kanyang anak sa Barangay Lampuyang, Pio V. Corpus, Masbate kahapon ng umaga.

Duguang bumulagta ang biktimang si Romeo Ponpon, samantala, ang anak na si Mark Anthony, 10 ay hindi naman nasugatan.

Naitala ng pulisya ang pananambang bandang alas-7 ng umaga matapos na harangin ng mga rebelde ang mag-ama.

May palagay ang pulisya na patuloy na tumatanggi ang biktima sa pagbibigay ng revolutionary tax sa makakaliwang kilusan ang naging dahilan ng krimen. (Ulat ni Ed Casulla)