Mayor dinakip sa kasong rape

Dinakip ng mga tauhan ng National Bureau of Investigation (NBI) ang alkalde ng Sanchez Mira sa Tuguegarao, Cagayan Province makaraang magpalabas ng warrant of arrest ang Quezon City Regional Trial Court sa kasong rape at pagmomolestiya laban sa isang 14-anyos na babae.

Kasalukuyang naghihimas ng rehas na bakal si Sanchez Mira Mayor Dr. Salvador Galano Jr. matapos na aprobahan ni Cagayan Provincial Prosecutor Paulo Remudaro ang 2 kasong rape kaya nagpalabas ng warrant of arrest si Judge Romeo Zamora ng Quezon City RTC Branch 94 noong Hulyo 16, 2003.

Base sa record ng korte, naganap ang pangyayari noong Hunyo 1998 sa bahay ni Mayor Galano sa Centro Uno, Sanchez Mira kung saan naninilbihan ang biktima.

Sinabi naman ni Galano na politically motivated ang pagpapalabas ng warrant of arrest at nangatwirang hindi naman siya dinakip kundi sumuko.(Ulat ni Doris Franche)