Aide ni Janjalani tiklo

CAMP AGUINALDO – Bumagsak din sa tropa ng militar ang isa sa aide ni Khadafi "Abubakar" Janjalani matapos na magsagawa ng paniniktik sa liblib na bahagi ng Zamboanga City kamakalawa. Hindi na nakuhang pumalag ni Alnajar Tampakan, alyas Abu Nadz/Abu Talha, matapos na mapalibutan ng militar ang kinaroroonan nito.

Base sa ulat na ipinarating kahapon sa Camp Aguinaldo, si Tampakan ay sangkot sa kidnapping sa Tumahubong at Lamitan, Basilan noong nakalipas na taon.

Masusi namang isinailalim sa tactical interrogation si Tampakan para makakuha ng impormasyon sa mga ikinikilos ng grupong Abu Sayyaf. (Ulat ni Joy Cantos)