Kabilang sa mga dinakip ay nakilalang sina Pepito Bordador, 59; Michael Etrecho, 27; Oscar Etrecho, 32; Alexander Dato, 32, na pawang residente ng Barangay Saluysoy, Meycauayan, Bulacan at Alexander Paragas, 46, ng Sampaloc, Maynila.
Sa ulat ng pulisya, ang lima ay naaktuhang nagsa-shabu session matapos na isailalim sa pagtitiktik ng ilang araw.
Kasunod nito, nadakip naman ang mga suspek na sina Simeon Castro, 50; Ramon Lucero at Abelardo Bigtas makaraang magsagawa ng buy-bust operation sa Paombong, San Jose del Monte, Bulacan kamakalawa ng hapon.
Nakumpiskahan ng 11.95 gramo ng shabu ang mga suspek matapos na magpanggap na poseur-buyer ang hindi kilalang pulis-Bulacan. (Ulat ni Efren Alcantara)