Ang nasawi ay nakilalang si Diane Parsons ng US-sponsored Summer Institute Linguistic (SIL) na nakabase sa bayan ng Bagabag sa lalawigang ito.
Himalang nakaligtas naman sa "head-on collision" ang mister at driver ng Mitsubishi van na si Garry Parsons habang nasugatan din si Arnel Sagun, ang nagmamaneho ng Nissan Safari at si Sr. Supt. Samson Tucay.
Ayon kay Chief Inspector Dionisio de Guzman, Bambang police chief, bandang alas-2:30 ng madaling-araw habang binabagtas ng Mitsubishi van, na may diplomatic plate no. 16186, ang national highway sa Barangay Almaguer ng bigla itong salpukin ng rumaragasang Nissan Safari na pag-aari ni Supt. Tucay.
Napag-alaman ng pulisya na nag-over take ang Nissan Safari na minamaneho ni Sagun sa isang pampasaherong bus hanggang sa salpukin nito ang nakasalubong na van.
Isinugod ang mga biktima sa Veterans regional hospital subalit nasawi si Mrs. Parsons dahil sa tinamong mga sugat sa ulo at katawan bunga ng malakas na bangga habang ginagamot naman ang iba pang biktima na himalang nabuhay sa nasabing salpukan ng mga sasakyan. (Ulat nina Victor Martin/Joy Cantos)