Ang hindi nakilalang biktima na tinatayang nasa edad 30-35, maputi, may taas na 5’3, blondie ang buhok, ay natagpuang bangkay sa ilalim ng Walong Butas bridge sa barangay Calubcob, Naic.
Ayon sa imbestigasyon ng pulisya, dakong alas-7:40 ng umaga nang matagpuan ng mga residente ang bangkay ng biktima sa ilog na may tama ng bala sa ulo.
Malaki ang hinala ng mga awtoridad na ginahasa ng hindi nakilalang mga suspek ang biktima bago ito binaril sa ulo at itinapon sa ilog.
Sinabi pa ng pulisya na posibleng ginahasa at pinatay ang biktima sa ibang lugar at itinapon lamang sa nasabing ilog upang iligaw ang mga awtoridad sa isasagawang imbestigasyon.
May paniniwala rin ang mga awtoridad na pinilahan ang biktima ng hindi nakilalang mga suspek bago ito binaril sa ulo.
Ang tanging puwedeng pagkakilanlan sa biktima ay mayroon itong maliit na hikaw ng Santo Niño sa kanyang pusod. (Ulat ni Cristina G. Timbang)