Lider ng NPA napatay

CAMP SIMEON OLA, Legazpi City – Isang lider ng rebeldeng New People’s Army (NPA) na pinaniniwalaang nangongolekta ng revolutionary tax sa mga residente ang kumpirmadong napatay makaraang nakasagupa ang tropa ng 2nd Infantry Battalion ng Phil. Army sa Sitio Contod, Barangay Bagacay, Gubat, Sorsogon kahapon ng umaga.

Nakilala lamang sa alyas na Ka Bunso ang nasawing rebelde, samantala, nagsitakas naman ang mga kasamahan matapos ang maikling engkuwentro laban sa tropa ng militar na pinamumunuan ni S/Sgt. Salanguste.

Narekober naman ng militar ang baril ni Ka Bunso, cell phone at back pack na naglalaman ang subersibong dokumento ng makakaliwang kilusan. (Ulat ni Ed Casulla)