4 MILF dedo sa bakbakan

CAMP AGUINALDO – Muli na namang nalagas ang apat na kasapi ng rebeldeng Moro Islamic Liberation Front makaraang makasagupa ang tropa ng 47th Infantry Battalion sa kagubatan ng Barangay Datu Paglas, Maguindanao kamakalawa.

Matapos ang engkuwentro ay narekober naman ng militar ang iba’t ibang uri ng baril at bala.

Kasunod nito, narekober naman ang apat na malalakas na kalibre ng baril at radio ng mga tauhan ng 602nd Infantry Brigade sa inabandonang kampo ng MILF sa Barangay Simsiman, Pigkawayan, Cotabato.

Samantala, wala namang nasawi o nasugatan sa pagpapaulan ng rocket ng mga rebelde sa military detachment sa Barangay Sta. Fe Titay, Zamboanga Sibuya. (Ulat ni Angie dela Cruz)