Trader itinumba

Camp Pantaleon Garcia, Cavite – Nasawi noon din ang isang negosyante matapos na paulanan ng punglo habang nakatayo sa tabi ng kalsada sa kahabaan ng national highway sa Bayan ng Bacoor ng lalawigang ito kamakalawa ng gabi.

Ang biktima ay nakilalang si Melvin Yabut, 62-anyos, may asawa at naninirahan sa Camella Capital Homes ng nabanggit na lugar.

Pinaghahanap naman ang salarin na nakilalang si Feliciano Purificacion Jr., nasa hustong gulang at residente ng Brgy. Molino tangay ang .45 kalibre ng baril na ginamit sa pamamaslang.

Ayon sa imbestigasyon ni PO2 Michael Marquez, may hawak ng kaso dakong alas-10 ng gabi habang nakatayo ang biktima sa Molino national road, Brgy. Molino 4, Bacoor nang paulanan ng bala ng suspek.

Kasalukuyan pang inaalam ang motibo ng krimen habang patuloy ang pagsisiyasat sa kaso. (Ulat ni Cristina Go-Timbang)