Nadiskubre bandang alas-5 ng hapon ang naagnas na bangkay ng biktimang si Revelyn Salayog ng block 11 Planter’s ng nabanggit na barangay.
Samantala, nadakip naman ang mga suspek na pinaniniwalaang binayaran ng P.8 milyon ni Mauricio "Buboy" Escarilla na sina Jonah Buena, Alley Boy Yamit, Alexander Hongco, Sonny Hongco, Roger Felipe at Joseph Alforon na pawang residente ng Taytay at Cainta, Rizal.
Base sa inisyal na pagsisiyasat nina SPO2 Carlos Atanacio Jr. at PO2 Divina Rafael, pinaslang ni Maurico ang biktima dahil sa selos noong Abril 9, 2003.
Para maitago ang krimen sa mga magulang ng babae ay binayaran ni Mauricio ng shabu na katumbas ng P.8 milyon ang mga barkada nitong drug user para ilibing ang bangkay ng biktima. (Ulat ni Joy Cantos)