Katulong todas sa rapist

CAMP PANTALEON GARCIA – Isang katulong na nanlaban sa pinaniniwalaang nagtangkang gumahasa sa kanya ang natagpuang may tama ng 2 saksak sa leeg ng kanyang amo kamakalawa sa Maragondon, Cavite.

Ang biktima ay nakilalang si Cristel Emnas, 18, dalaga, housemaid at nakatira sa kanyang amo na si Cynthia Anguc sa Barangay Bucal 4-B ng nasabing lugar.

Ayon kay PO1 Julio Riman, bandang ala-1:30 ng hapon ng matagpuan ni Mrs. Emnas ang bangkay ng kanyang katulong sa kanilang banyo na may tama ng dalawang saksak sa leeg.

Malaki ang hinala ng pulisya na tinangkang halayin ang biktima ng hindi nakilalang rapist pero nanlaban ito kaya pinatay na lamang.

Isinantabi ng pulisya ang anggulong pangnanakaw dahil walang nawalang mga kagamitan sa bahay. (Ulat ni Cristina Go-Timbang)