Dalagita na ipinakulong ng ama, ni-rape ng jailguard

BULACAN, Bulacan – Isang jailguard ang pinaghahanap ng pulisya makaraang ireklamo ito ng rape ng dalagitang ipina-safe keeping lamang ng ama dahil sa pagiging addict sa droga kamakalawa ng madaling-araw sa bayang ito.

Ang pinaghahanap na suspect ay nakilalang si JO2 Marcelino Balagbagan, 37, may-asawa at nakatira sa San Jose del Monte City sa lalawigang ito.

Ayon sa pahayag ng biktimang si Monica (di-tunay na pangalan), 17 anyos, estudyante ng Barangay Tibig at inihabilin for safe keeping lamang ng ama sa piitan dahil sa pagiging addict nito sa droga, pasado alas-12 ng hatinggabi ng dumating umano ang suspect sa municipal jail na lasing na lasing sa alak.

Inutusan umano ang dalagita na umigib ng tubig para hugasan ang mga pinagkainan sa lababo.

Sinamahan umano ng suspect ang biktima sa pag-igib ng tubig sa likod ng tanggapan ng bumbero pero ng makabalik sila sa piitan ay dinala ang dalagita ng jailguard sa kanyang quarters.

Dito ay pilit na pinaghubad ang biktima ng kanyang damit habang nakatutok ang baril ni JO2 Marcelino pero hindi tumigas ang pagkalalaki nito sanhi ng sobrang kalasingan kaya ipinasubo na lamang kay Monica ang ari nito.

Sa kabila ng pananakot ng suspect sa biktima na papatayin ito kapag nagsumbong ay lakas-loob na nagreklamo ito sa pulisya habang pinaghahanap naman ang suspek. (Ulat ni Efren Alcantara)