Ayon sa ulat na natanggap ni Lt. Gen. Gregorio Camiling Jr., Army chief, ang napaslang na NPA lider ay nakilalang si Ka Larry habang nakumpiska naman ng mga sundalo ang ilang armas at subersibong dokumento na nagpapatunay na may ugnayan ang NPA sa Moro Islamic Liberation Front (MILF).
Batay sa ulat ni Maj. Gen. Efren Abu ng 2nd Infantry Division ng PA, bandang alas-4:30 ng hapon habang nagpapatrulya ang militar sa pamumuno ni 2nd Lt. Percival Alcanar sa Barangay Gagamot ng nasabing bayan ng matyempuhan ng mga ito ang may 20 armadong rebelde.
Tumagal ng 30-minuto ang palitan ng putok hanggang sa mapaslang ang lider ng NPA habang nasugatan naman ang sundalong si Sgt. Carlos Palangdao.
Nabawi ng militar ang 4 na M-16 armalite riffles, ibat ibang bala, granada at subersibong dokumento na nagpapatunay ng kaugnayan ng NPA sa MILF.
Ang sugatang sundalo ay ginagamot sa Luisiana hospital pero ligtas na sa peligro.
Tinutugis naman ng mga tauhan ng 1st Infantry batallion ng Army ang mga nagsitakas na miyembro ng NPA. (Ulat ni Danilo Garcia)