Sekyu todas sa drug store

CAMP PANTALEON GARCIA, Cavite – Binaril at napatay ang isang security guard ng hindi kilalang lalaki habang ang biktima ay nagbabantay sa kilalang drug store sa Kaunlaran Village, Barangay Molino Dos, Bacoor, Cavite kahapon ng madaling-araw.

Duguang bumulagta ang bikitimang si Victor Marzonia, 36, ng D'robe Security Agency sa Parañaque City at residente ng Casimiro Village, Las Piñas City.

May teorya ang pulisya na miyembro ng agaw-armas gang ang killer na mabilis tumakas matapos isagawa ang krimen dakong alas-4:30 ng madaling-araw. (Ulat ni Cristina G. Timbang)