Ayon sa ulat ni Gen. Generoso Senga, commanding general ng 6th Infantry Battalion ng Philippine Army, bandang alas-11 ng umaga kahapon ng tambangan ng mga hinihinalang MILF rebels ang mga sundalo sa Barangay Pinantao, Matnog ng nasabing lalawigan.
Nagawang manlaban ng mga militar sa mga rebelde kung saan ay tumagal ng ilang minuto ang palitan ng putok hanggang sa tuluyang tumakas ang mga MILF.
Lulan ng isang military truck ang mga miyembro ng 64th IB ng bigla silang paulanan ng bala ng mga hinihinalang rebeldeng MILF pagsapit sa Barangay Pinantao.
Pitong sundalo ang agad na nasawi habang 11 iba pa ang malubhang nasugatan sa naganap na labanan.
May hinala ang militar na paghihiganti ang motibo ng mga MILF dahil sa matagumpay na military operations sa Pikit, North Cotobato kung saan ay nabawi ang kanilang kampo. (Ulat ni Danilo Garcia)