Isinugod sa UMC Hospital ang biktimang si SPO4 Roman Amparo at residente ng Barangay Samakan sa bayang ito.
Tinutugis naman ng mga awtoridad ang suspek na si Hilario Bawalan matapos isagawa ang krimen dakong alas-12:30 ng tanghali sa nabanggit na barangay.
Napag-alaman kay SPO1 Lorenzo Balbuena, bago naganap ang pangyayari ay nagkaroon ng alitan ang dalawa sa hindi nabatid na isyu kaya nagtanim ng matinding galit ang suspek.
Nagkataon namang dumalaw ang biktima sa yumaong kamag-anak at namataan ng suspek na lango sa alak.
Ilan sa nakasaksi sa pangyayari na hindi nag-atubiling lapitan ng suspek ang biktima at kaagad na binaril sa ulo.
Hindi naman nakuhang arestuhin ng mga barangay tanod ang suspek dahil sa takot na sila ang putukan ng hawak na baril kaya malayang nakatakas sa hindi nabatid na direksyon. (Ulat ni Cristina Go-Timbang)