Nasa kritikal na kondisyon sa Seares Medical Clinic ang mga biktimang sina Godofredo Peig, 49; Warte Peig, 27 at Omar Cabintoy, 19.
Naaresto naman ang suspek na si Renato Cabintoy.
Batay sa ulat na nakarating sa Camp Crame, dakong alas-2:30 ng madaling araw nang maganap ang insidente sa loob ng bahay ni Godofredo sa Sitio Sabangan, Brgy. Nagtupacan, Lagangilang, Abra.
Masayang nag-iinuman ang apat nang mag-umpisang magyabangan ang mga ito na nauwi sa mainitang pagtatalo. Napikon ang suspek at lumayo sa umpukan.
Nang makalayo isang granada ang kinuha nito sa kanyang dalang bag at inihagis sa loob ng bahay ng kanyang mga kainuman.
Mabilis na isinugod ang mga biktima sa nasabing pagamutan habang ang suspek ay mabilis na naaresto ng mga awtoridad. (Ulat ni Danilo Garcia)