Iniwan ni misis, mister nag-suicide

SAN LEONARDO, Nueva Ecija – Naging malungkot na Kapaskuhan ang sinapit ng isang mister na iniwan ng sariling misis na nagdesisyong magbaril sa ulo sa kanilang bahay sa Brgy. San Anton sa bayang ito kamakalawa.

Walang buhay na bumulagta ang biktimang si Efrenilo De Lara matapos na magbaril sa noo ng kalibre .38 baril na paltik.

Napag-alaman sa ulat na isinumite kay P/Supt. Danilo Delos Santos, hepe ng pulisya sa bayang ito, natagpuan ang bangkay ng biktima dakong alas-11:30 ng umaga makaraang magtungo ang kanyang pinsang si Pedro De Lara sa bahay.

Base sa impormasyong nakalap ng pulisya, ang biktima ay iniwan ng kanyang misis noong nakaraang buwan at nakisama sa ibang lalaki sa Cebu at simula noon ay napansin na ng ilang kapitbahay na naging malulungkutin na hanggang sa isagawa ang pagpapakamatay. (Ulat ni Christian Ryan Sta. Ana)