Baril bumagsak, pulis todas

Mula sa sariling baril ay tumagos ang bala sa ulo ang pumatay sa isang pulis matapos na ito ay bumagsak at pumutok sa loob ng kanyang bahay noong Miyerkules ng gabi sa Zamboanga City.

Namatay habang isinasalba ang biktimang si PO3 Ronildo Rebollos, nakatalaga sa Traffic Section ng Zamboanga City police station.

Sa ulat ng pulisya, naganap ang insidente dakong alas-7:45 ng gabi sa tahanan ng mga Rebollos.

Nagbibihis ng kanyang uniporme ang biktima at habang isinusuot nito ang sinturon ay nalaglag ang kanyang kalibre .45 baril.

Nabatid na hindi naka-lock ang baril kaya ito ay pumutok at tinamaan sa ulo si Rebollos. (Ulat ni Danilo Garcia)