CALABANGA, Camarines Sur – Pinalalagay na tumangging magbigay ng revolutionary tax ang isang magsasaka kaya pinagbabaril hanggang sa mapatay ng mga hindi kilalang armadong kalalakihan na pinaniniwalaang mga rebeldeng New People’s Army (NPA) habang ang biktima ay nasa palikuran kamakalawa ng gabi sa Sitio Labo, Brgy. Paolbo sa bayang ito.
Si Ruben Asanes, 49, may asawa ay pinatahimik bandang alas-otso ng gabi habang nasa madilim na bahagi ng kanilang palikuran.
May teorya naman ang pulisya na tungkol sa pangongolekta ng revolutionary tax ang naging ugat ng krimen o kaya naman ay may matinding galit ang mga killer sa biktima kaya itinumba.
(Ulat ni Ed Casulla)