Binatilyo patay sa granada

ANTIPOLO CITY – Isang 16-anyos na binatilyo ang kumpirmadong nasawi, samantala, tatlong iba pa ang malubhang nasugatan makaraang sumabog ang nadiskubreng granada mula sa bakanteng lumang bahay sa Sitio Sto. Niño, Brgy. Mayamot sa lungsod na ito kahapon.

Si Anthony Celedonio ay nagkagutay-gutay, samantala, sina Rodrigo, Reymart de Guzman at isa pang hindi nabatid ang pangalan ay nasa kritikal na kondisyon.

Sa inisyal na ulat ng pulis-Antipolo, naitala ang pangyayari bandang alas-3:40 ng hapon makaraang paglaruan at inalisan ng pin ang granada.

Bago pa sumabog ang granada ay nagkatuwaan ang mga biktima na mag-inuman ng alak hanggang sa makarinig na lamang ang mga residente ng malakas na pagsabog sa nabanggit na bahay. (Ulat ni Joy Cantos)