Tribal lider tinodas sa sariling bahay

COTABATO CITY — Binistay ng bala ng malakas na kalibre ng baril hanggang sa mapatay ang isang Tiruray tribal lider ng mga hindi kilalang armadong kalalakihan habang ang biktima ay nasa loob ng kanyang bahay sa Barangay Baka, Upi, Maguindanao kamakalawa ng gabi.

Ilan sa mga kapitbahay ng biktimang si Nestor Apit, ang nakasaksi sa krimen na ilang maskaradong kalalakihan ang natiyempuhang nasa loob ng bahay ni Apit saka nagpaputok ng sunud-sunod.

Ayon sa pulisya, isang linggo pa lamang ang nakalilipas ay itinumba rin si tribal chieftain Zainal Campong ng Barangay Labungan malapit sa bayan ng Datu Odin Sinsuat.

Dahil sa walang saksing maglakas-loob na lumantad sa naganap na krimen ay nahihirapan ang mga awtoridad na mangalap ng impormasyon sa pagkikilanlan ng mga killer. (Ulat ni John Unson)