5 katao tiklo sa mga pekeng gamot

Lima-katao ang iniulat na dinakip ng mga ahente ang National Bureau of Investigation (NBI) matapos na maaktuhang nagbebenta ng mga pekeng gamot sa iba’t ibang bayan sa Pampanga.

Ang mga dinakip ng mga ahente ng NBI ay nakilalang sina Nick at Joneth Navarro ng Block 192 Lot 9 31st St. Madapdap, Pampanga; Jayson Canlas ng Block 191 Lot 23 30th St. Madapdap, Pampanga; Rommel Casupanan ng 25 Del Pilar St., Pilar Village, San Fernando, Pampang; at Alfredo Baluyot ng 33rd St., Madapdap resettlement area.

Nabatid sa ulat ng NBI, nagreklamo ang apat na kompanya ng gamot na may kumakalat na pekeng gamot na may trade mark ng kanilang kompanya kaya nagsagawa ng operasyon ang mga awtoridad noong Huwebes ng umaga, Agosto 22, 2002. (Ulat ni Grace dela Cruz)