Tricycle driver pinatay ng 5 adik

CABANATUAN CITY – Isang tricycle driver ang kumpirmadong nasawi makaraang pagtripang gulpihin at saksakin ng limang adik na hindi kilalang kalalakihan habang ang biktima ay naghihintay ng pasahero sa Amarillo St., Brgy. Magsaysay Sur sa lungsod na ito kamakalawa ng hapon.

Si Jansen Aquino, 23, may asawa ng Brgy. Kalikid Sur ng lungsod na ito ay nagtamo ng labingdalawang saksak ng patalim sa iba’t ibang bahagi ng katawan.

Hindi naman kaagad nakilala ang mga adik na suspek na pinalalagay na nakaalitan ng biktima sa pagmamaheno ng kanyang tricycle habang sakay ang isang pasahero. (Ulat ni Christian Ryan Sta. Ana)