Bagyong Juan nagbabanta sa Eastern Visayas at Bicol

Patuloy na lumalakas at nagbabanta ang bagyong Juan sa Eastern Visayas at Bicol region habang patuloy ang paglapit sa mga lugar na ito.

Sa latest monitoring ng Pag-Asa, si Juan ay namataan sa layong 140 kilometro ng hilaga hilagang silangan ng Guian, Eastern Samar at 150 kilometro silangan timog silangan ng Catarman Northern Samar taglay ang pinakamalakas na hanging 55 kilometro bawat oras malapit sa gitna.

Ngayong Sabado ng umaga, si Juan ay nasa layong 180 kilometro ng Catarman Northern Samar o 200 kilometro silangan ng Daet Camarines.

Ito ay nasa layong 210 kilometro hilagang-silangan ng Daet Camarines Norte o 150 kilometro silangan timog silangan ng Casiguran Aurora sa Linggo. Si Juan ay kikilos sa layong 200 kilometro ng hilaga-hilagang-silangan ng Casiguran Aurora o 80 kilometro ng silangan timog silangan ng Aparri Cagayan sa Lunes. (Ulat ni Angie dela Cruz)