9 NPA rebels sumuko sa militar

KAPALONG, Davao del Norte – Siyam na kasapi ng rebeldeng New People’s Army (NPA) ang sumuko sa kampo ng 72nd Infantry Battalion ng Phil. Army sa pakikipagtulungan ng mga lokal na opisyal ng barangay sa naturang bayan kamakalawa.

Kinilala ng militar ang mga nagsisukong rebelde na sina Noel Destor, alyas Ka Jonathan; Edgar Fernandez, alyas Ka John; Philip Villarosa, alyas Ka Guiller; Villamor Villacorte, alyas Ka Premo; Jimmy Lofstrad, Jr., alyas Ka Ali; Eddie Lobiano, alyas Ka Eric; Joelam Fernandez, alyas Ka Jay; Efren Belina, alyas Ka Bolaw at Joel Villacorte, alyas Ka Roy.

Sinamahan naman ni Brgy. Chairman Romeo Flores ng Brgy. Katipunan sa naturang bayan ang ginawang pagsuko ng mga rebelde dakong alas-5 ng hapon kay Lt. Col. Felipe Aguhob, kasabay na isinuko ang kanilang mga armas. (Ulat ni Joy Cantos)