5 timbog sa 1 kilong marijuana

DASMARIÑAS, Cavite – Lima katao kabilang na ang mag-live-in partner ang dinakip ng mga elemento ng Dasmariñas PNP makaraang makumpiskahan ng aabot sa isang kilong pinatuyong dahon ng marijuana at shotgun sa isinagawang biglaang pagsalakay sa kanilang bahay sa 31 Mallari St., Barangay Zone 1 sa bayang ito kamakalawa ng gabi.

Kinilala ni P/Chief Insp. John Bulalacao ang mga suspek na sina Fedencio Orlanda, 48 at live-in partner nitong si Crisanta Olaes, 48; Norma Pascua, Pablito at Manuelito Olaes ng naturang lugar.

Sa ulat ni SPO1 Wency Tubay, may ilang araw din isinailalim sa pagtitiktik ang mga suspek bago nagpalabas ng search warrant si Dasmariñas MTC Judge Lorinda Mupas kaya naisagawa ang pagsalakay. (Cristina Go-Timbang)