2 magsasaka itinumba ng NPA

CATAINGAN, Masbate – Dalawang magkaibigang magsasaka ang kumpirmadong napatay ng mga rebeldeng New People’s Army (NPA) makaraang matagpuan ang bangkay ng mga biktima na tadtad ng tama ng bala ng armalite sa katawan sa Sitio Puntod, Brgy. Villahermosa sa bayang ito kahapon ng madaling-araw.

Kinilala ng pulisya ang mga biktimang sina Deolito Acaso, 35 at Alfredo Dunog, 37, may asawa na kapwa residente ng Brgy. San Vicente.

Huling namataang buhay ang dalawa na naglalakad papauwi dakong alas-11:30 ng gabi.

Kinaumagahan na lamang bandang alas-4 ng madaling-araw nang nakita ang bangkay ng mga biktima na duguan. (Ulat ni Ed Casulla)