Binawian ng buhay habang ginagamot sa University Medical Center sina Alfredo Macam, pasahero ng trike at Delfin Paraino, 36 , may asawa at driver ng trike (VS-5639) ng Phase 1 Block 2, Lot 58 Cuidad Adelina ng naturang lugar.
Samantala, sina Pinky Velria, 25, nurse at Edna Salvador, 28, estudyante na kapwa residente ng Brgy. Conchu sa lungsod na ito ay nilalapatan ng lunas sa nabanggit na ospital.
Nakapiit naman ngayon ang driver ng AUV (DRA-835) na si Eduardo Marquez, 33, may asawa, isang empleyado sa hindi nabatid na ahensya ng pamahalaan.
Sa inisyal na imbestigasyon ni PO1 Benjamin Villanueva, naganap ang aksidente dakong alas-8:15 ng gabi matapos na sakupin ng AUV ang kaliwang bahagi ng kalsada na nagresulta upang masalpok ang sasakyang trike ng mga biktima. (Ulat ni Cristina Go-Timbang)