Mag-asawa timbog sa drug bust

DASMARIÑAS, Cavite – Aabot sa labing-apat na gramo ng shabu ang nakumpiska sa mag-asawa makaraang masakote sa isinagawang drug bust sa kanilang bahay sa Barangay Zone 1 sa bayang ito kamakalawa ng gabi.

Ang mag-asawang tulak na ngayon ay nakakulong ay nakilalang sina Marvin Olaes, 23, alyas Alvin at asawang si Realiza, 23, alyas Jeannete ng #27 Avendano St. ng nabanggit na barangay.

Sa ipinalabas na search warrant ni Judge Lorinda Mupas ng Dasmariñas Municipal Trial Court, naisagawa ang drug bust sa bahay ng mga suspek dakong alas-10 ng gabi. (Ulat ni Cristina Go-Timbang)