Sinabi ni Dr. Lorna Baculanta, provincial veterinarian na ang ginawang pagmasaker sa mga apektadong alagaing baboy upang mapigil ang pagkalat ng FMD sa lahat ng alagang hayop sa naturang lalawigan.
Ayon pa kay Baculanta na na-monitor ng kanyang mga tauhan na may similaridad na apektado rin ng FMD ang nabanggit na bilang ng baboy sa mga bayan ng Tarlac.
Aniya na ito lang ang lalawigang matinding tinamaan ng FMD na kumalat sa piggery farms sa iba’t ibang lalawigan simula noong 1995.
Ipinahayag naman ni Mayor Benjamin Lacson na matapos na patayin ang mga apektadong hayop ay pinayagan naman ng provincial veterinarian na ipagpatuloy ang normal na operasyon ng pagtitinda ng laman ng mga hayop.
Sa inisyal na pagsisiyasat, sinabi ni Baculanta na ang pinanggalingan ng FMD bago kumalat ay mula sa pampublikong katayan ng hayop sa bayang ito kung saan ang ilang kinatay na baboy ay galing sa mga "viajero" na nagmula pa sa ibang lalawigan bago ipinagbibili sa naturang lugar.
Idinagdag pa ni Baculanta na isa rin sa posibleng pinagmulan ng FMD ay isa sa mga piggery farm sa bayang ito na tumangging isagawa ang FMD vaccination sa loob ng 20 taon.
Subalit tumanggi namang pangalan ni Baculanta ang pangalan ng may-ari ng piggery at ipinaalam lamang kay Mayor Lacson.
Dahil sa naganap na pangyayri, ipinag-utos ni Gov. Jose Yap, Sr. sa provincial agriculture office at PVO, kabilang na rin sa mga lokal na pamahalaang bayan ng animal health division na mag-set up ng animal quarantine checkpoints sa mga hoofed na hayop sa lahat ng rutang papasok at palabas ng Tarlac. (Ulat ni Benjie Villa)