2 katao todas sa banggaan ng tricycle at van

SILANG,Cavite - Dalawa katao ang nasawi matapos na salpukin ng isang van ang kanilang sinasakyang tricycle kamakalawa ng gabi sa kahabaan ng Brgy. Biga 1 ng bayang ito.

Ang mga biktima ay nakilalang sina Estrella Loteria,38,may-asawa at Marvin Esperas, 6.

Nakapiit naman sa kulungan ang suspek na si Ruben Gan,47,negosyante at residente ng Blk.33,Lot 2,Brgy.Langcaan 2, Dasmariñas,Cavite.

Ayon sa imbestoigasyon ni SPO2 Eduardo Eusebio,naganap ang insidente dakong alas-6:30 ng gabi habang papaliko ang minamanehong tricycle ni Loteria nang makasalubong at mabangga ito ng suspek.

Sa lakas ng pagsalpok ay tumilapon ng ilang metro ang mga biktima na agad nitong ikinasawi.

Lumalabas na lasing umano ang suspek kaya't hindi nito nakita ang sasakyan ng mga biktima. (Ulat ni Cristina Go-Timbang)