Ito ang nakalap na impormasyon mula sa isang lider ng mga rebelde na malaking grupo at hindi pangkaraniwang sindikato dahil masyadong maimpluwensiya sa may mga puwesto sa gobyerno.
Sinabi rin ng source na kasalukuyang hawak ng naturang grupo ang kinidnap na South Korean national na si Jae Kwoon Yoon at Cesar Belonio na may-ari ng Tierra Verde Hotel sa General Santos City.
Ayon pa sa source na ang pangalang Pentagon ang siyang panakip-butas sa isinasagawang modus operandi ng kilabot na grupo ng kidnapping.
Kapag nagsagawa ang kidnapping, ang grupo ay kaagad na ituturo ang Pentagon ngunit hawak na nila ang kinidnap na biktima habang nagsasagawa ang negosasyon ng ransom, dagdag pa ng source.
Kabilang sa mga dayuhang kinidnap ng naturang grupo ay apat na Chinese national, isang Canadian at ang kontrobersyal na Italian priest.
Idinagdag pa ng source na isang pulis na isinangkot sa pagkidnap sa anak ng may-ari ng Bonifacio Motors ay miyembro ng kanilang grupo na pinamumunuan ng isang masyadong malakas at may kaugnayan sa mga awtoridad. (Ulat ni Edith Regalado)