Notorious killer nadakip

CABANATUAN CITY – Naging bayolente sa mga ahente ang Nueva Ecija Provincial Intelligence Office sa pamumuno ni P/chief Insp. Danilo Formanes at ng special project team ng RIID ang pagkakadakip sa isang notoryus killer at karnaper sa Region 3 kahapon ng umaga sa loob ng pamilihang bayan ng Pulilan, Bulacan.

Kinilala ng pulisya ang nadakip na most wanted na si Luciano Patiag, alyas Amang/Lupin ng Brgy. Pulo, San Isidro, Nueva Ecija.

Si Patiag ay may nakabinbing kaso sa iba’t ibang korte sa Nueva Ecija at may limang warrants of arrest sa mga kasong murder, frustrated murder, robbery, carnapping at physical injury.

Nabatid kay P/Sr. Supt. Raul Bacalzo, Nueva Ecija PNP provincial director na pinakahuling kaso ni Patiag ay ang highway robbery noong Disyembre 16, 2001 sa Gapan City.

Nailagay na sa listahan ng most wanted persons sa Region 3 si Patiag dahil sa sunud-sunod na kasong hiway robbery sa iba’t ibang bahagi ng Nueva Ecija gitnang luzon partikular sa Bulacan at Tarlac na may patong sa ulo na halagang P.3 milyon para sa sinumang makapagbibigay ng impormasyon. (Ulat ni Christian Ryan Sta. Ana)