Binata na tinanggihang pakasalan ng nobya, nag-suicide

LUCENA CITY – Dahil tumangging pakasal ng nobya ay naging sanhi upang magpakamatay sa pamamagitan nang pagbaril sa noo ng isang 28-anyos na lalaki noong madaling-araw ng Miyerkules (Dec. 19) sa Brgy. Cotta sa lungsod na ito.

Kinilala ni P/Supt. Danny Ramon Siongco, hepe ng pulisya sa lungsod na ito ang biktima na si Armando Trinidad ng nabanggit na Barangay.

Sa ulat na isinumite kay P/Supt. Roberto Rosales, Quezon PNP director, natagpuan ang bangkay ng biktima dakong alas-2:20 ng madaling-araw sa loob ng kanyang kuwarto.

Sa impormasyong nakalap ng pulisya sa mga kasambahay ng biktima na magmula nang maghiwalay sila ng nobya at tumangging pakasal ay naging matamlayin na ito at hindi makausap hanggang sa magpasyang mag-suicide. (Tony Sandoval)