Bank teller dinedo sa guardhouse

SAN JOSE DEL MONTE CITY , Bulacan – Isang bank teller na lalaki ang iniulat na nasawi makaraang barilin at mapatay ng hindi kilalang lalaki habang nakikipaghuntahan sa isang security guard sa loob ng guardhouse sa Mountain View Subdivision sa lungsod na ito kamakalawa ng gabi.

Idineklarang patay sa ospital ang biktimang si Dindo Bautista, 29, binata ng nabanggit na lugar, ayon sa ulat ng pulisya.

Sa hindi nabatid na dahilan ay biglang pumasok ang hindi kilalang lalaki sa kinaroroonan ng dalawa at pinaputukan na lamang ang biktima na naging sanhi ng kanyang kamatayan. (Ulat ni Efren Alcantara)