4 katao na galing sa lamayan inambus; 2 patay

CAMP ELPIDIO QUIRINO, Ilocos Sur – Minalas na masawi ang dalawa sa apat na kalalakihan na nakipaglamay sa isang kaibigan matapos na sila ay tambangan ng mga hindi kilalang mga suspek habang lulan ng traysikel sa kahabaan ng highway sa Centro, Bantay sa nasabing lalawigan.

Sa ulat na tinanggap ni PNP Provincial Director, Supt. Fidel Cimatu, ang mga nasawi ay nakilalang sina George Pizarro at Bonifacio Taasin, kapwa residente ng Panay, Magsingal habang nasugatan naman sina Adronel at David Artienda, kapwa residente ng Balaleng, Bantay.

Lumalabas sa imbestigasyon, na lulan ng isang traysikel ang mga biktima matapos ang pakikipaglamay sa isang nagngangalang Cardenas nang sila ay pagbabarilin ng mga hindi pa kilalang suspek.

Hindi pa matiyak ng pulisya kung ano ang motibo sa naganap na pananambang. (Ulat ni Myds Supnad)