Mayor nakaligtas sa pananambang

Nakaligtas sa tiyak na kamatayan ang isang Mayor makaraang tambangan ng mga hindi kilalang armadong kalalakihan habang ang biktima ay nakasakay sa kanyang Toyota pick-up sa kahabaan ng Brgy. Baugon, Pualas, Lanao del Sur kamakalawa ng hapon.

Si Pualas Mayor Diamel Andamun Cidic ay niratrat sa kahabaan ng nabanggit na lugar bandang alas-2 ng hapon ng mga armadong kalalakihan na pinaniniwalaang kaalyado ng kalaban sa pulitika subalit himalang nakaligtas.

Kasalukuyang hindi ibinulgar ng mga awtoridad ang pangalan ng pulitiko hanggang hindi ito naaaresto upang magbigay ng paliwanag sa naganap na pananambang. (Ulat ni Joy Cantos)