300 toneladang armas at bala, inaabangan ng MILF rebels

Inakusahan kahapon ni North Cotabato Gov. Manuel Piñol ang mga rebeldeng Moro Islamic Liberation Front (MLF) na panguhaning responsable sa sunud-sunod na nagaganap na kidnap-for-ransom sa Kamindanawan.

Sinabi pa ni Piñol na kahit na nagpapatuloy ang isinasagawang peace talks sa pagitan ng pamahalaan at pamunuan ng MILF ay nagsasagawa naman ang mga rebelde ng kidnapping at ang nakukuhang pera bilang ransom ay ipinambibili ng malalakas na armas.

"Nakatanggap kami ng ulat na ang pera na ibinayad ng pamilya ng mga biktima sa kidnapping ay ibinili ng 90 mm Recoilless Rifles; tatlong .50 caliber machine guns; Rifles Propelled Grenade (RPG); grenade launchers at iba pang malakas na armas," dagdag pa ni Piñol.

Nabatid pa kay Piñol na pinakalat na ng mga opisyal ng rebeldeng MILF ang kanilang arms procurement agents sa iba’t ibang bahagi ng Mindanao at naghihintay na lamang na dumating ang may 300 toneda ng armas at bala mula sa ibang bansa. (Ulat ni Perseus Echeminada)