Binata tinawag ng ka-trabaho para todasin

GEN. TRIAS, Cavite – Sa hindi nabatid na dahilan ay binaril at napatay ang isang 19-anyos na binata ng kanyang kasamahan sa trabaho habang ang biktima ay nakatayo sa harap ng kanilang bahay sa Brgy. Tejero ng bayang ito kamakalawa ng gabi.

Kinilala ng pulisya ang biktima na si Jing-Jing Figueroa, isang empleyado ng Economic Processing Zone Authority (EPZA) sa Rosario, Cavite at residente ng nabanggit na barangay.

Samantala, ang suspek na ngayon ay tinutugis ng pulisya ay nakilala lamang sa alyas Boy Negro ng naturang din lugar.

Naganap ang krimen bandang alas-10:20 ng gabi nang tawagin ng suspek ang biktima sa hindi nabatid na dahilan at biglang paputukan ng baril, ayon sa ulat ng pulisya. (Ulat ni Cristina Go-Timbang)