2 lalaki nakuryente habang nangingisda

IMUS, Cavite – Dalawa katao ang iniulat na namatay makaraang makuryente habang nanghuhuli ng isda na gumamit ng baterya ng sasakyan kahapon ng umaga sa magkahiwalay na lugar sa bayang ito.

Kinilala ng pulisya ang mga biktima na sina Rene Chavez, 43, ng Brgy. Bucandala 1 at Elger Adalid, 15 ng Brgy. Buhay na Tubig, Imus, Cavite.

Napag-alaman sa ulat ng pulisya, si Chavez ay nakuryente dakong alas-10 ng umaga habang nangingisda gamit ang baterya ng kotse sa Pulo resort, samantala, si Adalid naman ay nakatapak ng talop ng linya ng kuryente sa ilalim ng tubig habang nanghuhuli din ng isda. (Ulat ni Cristina Go-Timbang)