Tricycle driver patay sa kagat ng aso

TRECE MARTIRES CITY – Isang tricycle driver ang namatay matapos kumalat sa kanyang katawan ang rabbies nang ito ay makagat ng isang asong gala sa Brgy. Conchu kamakalawa ng hapon.

Ang biktima ay nakilalang si Froilan Pangilinan, 22, at nakatira sa nabanggit na lugar.

Ayon sa imbestigasyon ng pulisya, na dakong alas-3 ng hapon nang ang biktima ay kagatin ng isang asong gala habang papauwi sa kanilang tahanan mula sa pamamasada. Matapos umano itong makagat ay unti-unting nag-iba ang pag-uugali nito, na umanoy naging maiinitin ang ulo, na siya na mismo ang nagsabing itali siya, dahil sa kakaiba niyang nararamdaman.

Nagawa umanong maitali ito at ilang oras lamang ay unti-unti itong nanghina hanggang sa namatay, kasabay namang namatay ang asong kumagat sa biktima. (Ulat ni Mading Sarmiento)