Obrero naaburido sa buhay nagpakamatay

INDANG, Cavite – Isang factory worker ang iniulat na nagpakamatay sa pamamagitan ng pagbaril sa ulo makaraang maaburido sa kanyang buhay kahapon ng umaga sa Brgy. Alulod ng bayang ito.

Ang biktima na nag-iwan ng suicide note ay kinilalang si Ronald Penus, 22, binata na anak ng dating pulis at residente ng nabanggit na barangay.

Nadiskubre ng pulisya ang isang suicide note sa bulsa ng biktima na nagpakamatay dakong alas-7:30 ng umaga sa kanyang kuwarto.

Ayon sa pulisya, nakasaad sa suicide note na sawa na sa buhay at walang nagmamahal sa biktima kaya nagpasyang mag-suicide. (Ulat ni Cristina Go-Timbang)