Dating Barangay Chairman itinumba ng NPA

MATINOG, Sorsogon – Isang dating brgy. captain na responsable sa pagre-recruit ng mga kalalakihan upang maging CAFGU ang binistay ng bala ng baril ng mga rebeldeng New People’s Army (NPA) habang ang biktima ay nakatayo sa harap ng kanilang bahay sa Barangay Pawa ng bayang ito, kamakalawa ng umaga.

Kinilala ng pulisya ang biktima na si Isabelo Barbecho II, 56, may asawa, nakatatandang kapatid ni dating 2nd Infantry Battalion Commander Col. Isabelo Barbecho III ng Phil. Army na nakabase sa Juban, Sorsogon.

Lumalabas sa inisyal na imbestigasyon ng pulisya, na naganap ang krimen dakong alas-11 ng umaga at may teorya ang pulisya na pinaghigantihan lamang ng mga rebelde ang biktima sa ginawa nitong pagre-recruit ng mga kalalakihang upang maging CAFGU na ilalaban sa mga NPA. (Ulat ni Ed Casulla)