P.1M sa ulo ng 10 most wanted

CAMP PANTALEON GARCIA, Cavite – Tinatayang aabot sa halagang P.1 milyon ang ibibigay na reward ng pamunuan ng Cavite PNP sa sinumang makapagbibigay ng impormasyon sa 10 most wanted na may mga kasong murder na nakabinbin sa iba’t ibang korte ng naturang lalawigan.

Kinilala ni P/Chief Insp. Alfredo Corpuz, hepe ng Intelligence and Investigation and Detection Group (IIDG) ang mga wanted na sina Romeo Geslego sa bayan ng Silang; Numeriano Bayas ng Gen. Trias; Larry Prieto ng Trece Martirez City; Danilo Beloso ng Brgy. Alingaro, Gen. Trias; Lino Sosa ng Brgy. Bucal, Tanza; Allan Erni ng Brgy. De Ocampo, Trece Martirez City; Dame Sosa ng Brgy. Tres Cruses, Tanza; Baitano Perez; Ruel Nuestro ng Brgy. Guingona, Tagaytay City at Wilfredo Bacolod ng Brgy. Innocencio, Trece Martirez City.

Napag-alaman pa na ang 10 most wanted ay nakalagay na sa listahan ng Cavite PNP Order of Battle at itinuturing na public enemy no. 1.

Sa kasalukyan ay nagsasagawa na ng dragnet operation ang Cavite PNP sa 10 most wanted. (Ulat ni Mading Sarmiento)