Misis nahagip ng bus, patay

DASMARIÑAS, Cavite – Isang 35-anyos na babae ang iniulat na nasawi makaraang mahagip ng pampasaherong bus sa kahabaan ng Aguinaldo highway habang tumatawid kahapon ng madaling araw sa Brgy. Sampaloc 2 ng bayang ito.

Kinilala ng pulisya ang biktima na si Leonora Bragas, may asawa ng Blessed Ville Subd. ng naturang lugar.

Samantala, ang suspek na driver ng bus na may plakang DVP-148 ay boluntaryong sumuko ay si Rolando Manalo, 28, may asawa ng Brgy. Niogan, Tagaytay City.

Napag-alaman pa sa ulat ng pulisya, bandang alas-5:30 ng madaling araw nang biglang tumawid ang biktima sa nabanggit na lugar subalit hindi kaagad napuna ng driver kaya ito nahagip. (Ulat ni Cristina Go-Timbang)