Ang biktima na luhaang dumulog sa himpilan ng pulisya ay itinago sa pangalang Laura habang ang apat na suspek na nakilala sa police line-up at ngayon ay nakakulong sa PNP detention cell ay sina Edgardo Inoc, 22; Felix Radaya, 27; Armado Briones, 29 at isang itinago sa pangalang Rodel dahil sa menor-de-edad na pawang mga residente ng Brgy. Talao-Talao, Lucena City.
Batay sa ulat ni P/Supt. Eduardo Samoco, hepe ng pulisya, naganap ang krimen dakong alas-10 ng gabi sa isang kubo sa baybaying dagat ng naturang lugar.
Ayon sa inisyal na imbestigasyon ng pulisya, inimbitahan ang biktima ng kanyang kaibigang babae na makipag-inuman sa kanyang mga bisita at dahil sa tiwala ito ay nagpasyang makisama.
Subalit nilasing ang biktima ng mga suspek bago isagawa ang maitim na balak. (Ulat ni Tony Sandoval)